Бүтээмжийн урлаг: Цаг төлөвлөлт, зан төлөвт суурилсан бүтээмж

Үргэлжлэх хугацаа: 3 цаг
Сургалтын хэлбэр: Онлайн болон танхим, Онол, хэлэлцүүлэг, багийн тоглоом болон AI практик хосолсон.
Хэн оролцох вэ?: Бүтээмжээ нэмэгдүүлэх сонирхолтой хэн бүхэн, цаг үргэлж завгүй мөртлөө үр дүн гарахгүй байгаа хүмүүс, албан байгууллага, баг хамт олон.

АГУУЛГА

Бидний өдөр тутмын амьдрал "завгүй" гэх үгээр хэмжигдэх болсон ч, үнэн хэрэгтээ бид тэр их ажлынхаа ард гарч чадаж байна уу гэвэл эргэлзээтэй. Өглөө босоод л утасны мэдэгдэл, имэйл, сошиал медиагийн хязгааргүй урсгалд автаж, өөрийн мэдэлгүй анхаарлаа бусдад "хулгайлуулсаар" өдрийг дуусгах нь олонтаа. Энэ бүхэн биднийг ядаргаанд оруулж, хамгийн чухал зүйлдээ цаг гаргаж чадахгүй байгаа мэт хоосон мэдрэмжийг төрүүлдэг. Гэвч асуудал цаг хугацааны хомсдолд биш, харин бид өөрсдийн анхаарал болон энергийг хэрхэн удирдаж байгаагаас эхтэй юм.

Энэхүү сургалт нь танд ердийн нэг төлөвлөгөө гаргах арга биш, харин өдөр тутмын амьдралдаа тулгардаг тэрхүү "анхаарал сарнилт"-аас хэрхэн ангижрах бодит гарцыг харуулна. Бид ажлыг сунжруулдаг "Паркинсоны хууль" болон чухал зүйлдээ төвлөрч чаддаггүй зан төлөвийн саадуудыг хэрхэн давж гарахыг хамтдаа суралцана. Ингэхдээ зөвхөн өөрийн хүсэл зоригт найдах бус, орчин үеийн хиймэл оюун ухааны (AI) тусламжтайгаар механик ажлуудаа хурдасгаж, өөртөө бүтээлч цаг гаргах боломжийг нээх юм.

Хамгийн чухал нь, та ачаалал ихтэй үед ч тайван байж, утга учиртай зорилгынхоо төлөө тууштай суугаад хийж чаддаг тэрхүү "урсгал төлөв"-ийг хэрхэн өөртөө бүрдүүлэхэд суралцана. Цаг хугацаа бол хүн бүрт ижил заяасан нөөц боловч, түүнийг хэрхэн "архитектор" шиг зохион байгуулж, амьдралынхаа чанарыг өөрчлөх нь зөвхөн таны мэдэх чадвараас хамаарна. Энэ сургалт таныг ердөө л завгүй байхаас биш, харин үнэхээр бүтээмжтэй байхад чиглүүлнэ.